அமெரிக்காவில் நடைபெறும் இண்டியன் வெல்ஸ் மற்றும் மியாமி பகிரங்க டென்னிஸ் தொடர்களில் இருந்து, உலகின் முதல்நிலை வீரரான நோவக் ஜோகோவிச் விலகியுள்ளார்.
இந்த இரு தொடர்களிலும் விளையாடுவதற்கு சிறப்பு அனுமதி கோரி கடந்த மாதம் நோவக் ஜோகோவிச், அமெரிக்க அரசாங்கத்திடம் விண்ணபித்திருந்தார்.
ஆனால், இந்த கோரிக்கைள் நிராகரிக்கப்பட்ட நிலையில், அவர் இத்தொடர்களிலிருந்து விலகுவதாக அறிவித்துள்ளார்.
கொரோனா தடுப்பூசி போடாத வெளிநாட்டு பயணிகளுக்கு அமெரிக்காவுக்குள் நுழைய அனுமதி கிடையாது என்ற உத்தரவு அமுலில் உள்ள நிலையில், இதுவரை கொரோனா தடுப்பூசி போட்டுக்கொள்ளாத ஜோகோவிச், கடந்த ஆண்டு அவுஸ்ரேலிய மற்றும் அமெரிக்க பகிரங்க டென்னிஸ் தொடர்களை தவறவிட்டார் என்பது குறிப்பிடத்தக்கது.